 |
1995eko amaieran jaio zan IPIZKI TALDEA Zeanurin (Bizkaia). Kanpotarrak ez ezik bertakook be sarritan ez garala konturatzen gure inguruak gordetzen dauzan balioez ohartuta, Zeanuriko baliabide naturalak eta historiko-kulturalak “aurkitu", berreskuratu, ikertu eta ezagutzera emoteaz batera, Gorbeialdeko herrien garapenean bere ekarpena egin gura izan dau Ipizkik.
Hasiera-hasieratik alkarteak argi euki dau gure zuzterrak arakatu eta ezagutu egin behar dauzala, baina aldi berean etorkizunera begiratu behar dauala; hau da, nondik gatozen ezagutu nora goazan jakiteko. Horregaitik, maila apalean bada be, landa-eremuko biztanleen bizitza-kalitatearen hobekuntzan laguntzera, eta biztanlego horren diru-sarreren dibertsifikazinoan eragina eukitera bideratu dira Ipizkiren ekintzak; hori bai, ingurumenaren eta eskualdeko bizieren errespetua eta babesa ekintza guztien ardatz izanda.