Gorbeia, Gorbeialdearen bihotza

Gorbeialdeari batasuna emoten deutsana Gorbeia mendizerra da, Araba eta Bizkaiaren artean kokatuta, Kantauri eta Mediterraneoko arroen arteko mugea eginez harro eta tinko azaltzen dana. Paisaien edertasuna, bere barruan gordetzen dauzan ekosistemen garrantzia, lur honeetan hazten dan flora eta fauna, eta geomorfologiaren paregabekotasunaren ondorioz, 1994ko ekainaren 21ean, eskualdearen 20.016 hektarea Parke Natural izendatu ziran.

Itxinako paisaia karstikoa - Eusko Jaurlaritzak babespeko biotopotzat deklaratua-, Saldropoko turbategia, Oderiaga eta Larreakortako esfagnodiek, Bojadiko ezpeldiek, Altubeko pagadi eta hariztiek, eta Gorbeiagane eta Oderiagako orein-tokiek erakartasun nabaria dabe Parkearen barruan. Gorbeiako basoek, sastrakadi eta belardiekaz batera, orein talde garrantzitsu bati be mantenua eta aterpea emoten deutsie.

Gorbeiako flora eta fauna aniztasunak eta historian zehar giza-jardueraren ondorioz sortutako hainbat elementuk ondare ekologiko eta kultural parebakoa osatzen dabe. Gorbeialdean natura eta ohiturak buztartuta bizi dira.