XVIII. gizaldiaren amaierarantz Zeanurin 6 burdinola eta 18 errota egozan. Ordutik hona jarduera biak indarra galduz joan dira, horrela burdinolen krisiak lantegi horreen desagerpena ekarri eban XIX. gizaldiaren bigarren zatian; erroten agonia XX. gizaldiaren erdialderantz larriagotu zan. Orain dala 40 urte Zeanurin 11 errota lanean baegozan, 1979an hiruk bakarrik ehoten eben, euretako bik etxerako; gaur egun, Olabarriko erroteak bakarrik egiten dau lan eta berak era testimonialean; beste bat, Ibargutxikoa, noizean behin jarten da martxan.
Zeanurin ezagutu diran errota guztiak hidraulikoak izan dira, eta udalerriko lau erreka nagusien inguruan eregi ziran:
Arratia errekea: |
Lanbreabe, Ibargutxi, Alkiber, Errotabarri, Altziber eta Olabarri. |
Beretxikorta errekea: |
Goiko Errota, Erdiko Errota, Barrengo Errota eta Undurraga. |
Uribeko errekea: |
Atxiti, Intxaurbe, Axpe eta Zulaibar. |
Asterriko errekea: |
Ibarre, Landaburu, Akeuri eta Uribiarte. |
|
